AULA VIRTUAL

Selección de candidatos/as

A selección de alumnos e alumnas farase nunha reunión convocada a tal efecto, formada polos membros da Area de formación e a coordinadora Erasmus da EASD Pablo Picasso.

Esta selección terá en conta os seguintes criterios:

  • Expediente académico (nota media de acordo coas normas establecidas no DOG de 23 de marzo de 2005);
  • Alumnado matriculado no terceiro curso dos Estudos superiores de Deseño;
  • Coñecementos de idiomas; o nivel de idioma estranxeiro terá a segunte puntuación no proceso de selección Erasmus (puntuación media do nivel falado, lido e escrito) de acordo co Marco Común Europeo de Referencia para as Linguas: Esino, Aprendizaxe, Avalación. Nivel A1: 0, 15 puntos; nivel A2: 0,30 puntos; nivel B1: 0,45; nivel B2: 0,60 puntos; nivel C1: 0,75 puntos; e nivel C2: 1,00. A puntuación máxima será de 2,00 puntos
  • Colaboracións internacionais, valorarase o ter apadriñado a un/unha estudante internacional en cursos anteriores ao da solicitude. A puntuación máxima será de 1,00 puntos.
  • Outras consideracións xerais por parte de cada unha das especialidades.

Unha vez feita a selección, esta publicarase no taboleiro de anuncios da ORI e na páxina web da EASD Pablo Picasso.

O/a coordinador/a da ORI enviará de seguido a cada unha das escolas europeas, a proposta dos/das alumnos/as seleccionados/as e a seguinte documentación de cada un/unha deles/as:

  • Un curriculum vitae en formato europeo (o idioma será o do país ao que opte o alumno ou, no seu defecto, o inglés), cunha fotografía;
  • Portafolios de tamaño reducido ou en soporte óptico (CD ou DVD); en todo caso esta mostra de traballos deberá contar ca aprobación do Departamento da especialidade;
  • Carta de motivación na que se expoña o motivo da elección do centro de destino e outras motivacións de interese;
  • O formulario de solicitude cuberto por cada un/unha dos/das alumnos/as candidatos/as;
  • O contrato de estudos

Neste contrato recolleranse as materias que o/a solicitante cursará no centro de destino, materias que antes do desprazamento serán previamente acordadas polo/a alumno/a e o/a coordinador/a da ORI do centro de orixe. Terán que facerse polo tanto, tres documentos orixinais asinados por cada un/unha dos/das representantes, de xeito que unha das copias quede na Secretaría da EASD Pablo Picasso; o prazo habilitado para determinar o programa definitivo de estudos, en caso de cambio, será dun mes desde a incorporación do/da alumno/a ao centro de destino.

Este material será remitido ao centro europeo correspondente, que deberá responder ca aceptación ou non dos/das candidatos/as dentro dos seus propios prazos de avaliación (de abril a xuño, inclusive).


Escola de Arte e Superior de Deseño Pablo Picasso

Os pelamios 2, 15001 A Coruña tlf 981 225 396 · fax 981 228 078 · escola.arte.pablo.picasso@edu.xunta.es